एकछिन सम्म हिसाब मेरो चल्छ, “यसलाई नर्कमा लैजा “ यमदुतले भन्छ |


घट्दै छ सास,लास हुन्छु एकछिनमा,

 

मर्दै छ आश,नास हुन्छु एकछिनमा,

रोकिदै छ धड्कन,पिडा बढ्ने झन् झन्,

मृत्युको चड्कन,ले मर्दै छस् भन्छन,

मेटिदै छ बन्धन,कसिदै छ गर्धन ,

पीडाको तडपन,ले आखा मेरो बन्द छन् ,

सास अचानक अड्कियो,आखाको नानि पल्टियो,

पिडा झन् बल्झियो,मुटु अभ के चल्थियो ?

बाच्न अझै मन थियो,तर डाक्टरले मर्यो भनि भन्दियो,

खुल्छ कोठाको ढोका,वरीपरि नाता र गोता ,

 

आखामा आसुको थोपा,फैलियो मृत्युको शोक यहाँ ,

 

सिन्दुर पुछियो,पोते चुदियो,सेतो उसको बस्त्र,

टुहुरो छोरा,के सोच्दो होला ,आसु उसको अस्त्र,

भाइले दाई गुमायो,दिदिले गुमाइन भाइ,

गरे कोशिस तर रोक्न सकिन मृत्युलाई |
के शरिरसंगै आत्मापनि लास बन्छ,

की नया शरिरमा गएर बास बस्छ,

के यमराजले सबैको साँस लग्छ,

आख़िर के हो मृत्यको ख़ास अर्थ?
अलग्गियो शरीर र आत्मा ,प्राण छैन अब लासमा ,

बल्दैछु चिताको रापमा,पुग्दैछु भगवानको काखमा ,

तर स्वर्ग कि नर्क,यमदुतले कता हो लग्छ?

 

स्वर्ग को सुख, कि दुख नर्कको?

 

ती पुराना दिन हरु,तिर्न बाकि रहेका ऋण हरु,

अरुलाई दिएको पिर हरु,अरुलाई गरेको रिस हरु ,

अरुलाई हानेको  शब्दको तिर हरू ,अरुको आसुमा सजिएको जितहरु,

मैले मारेका जिब हरु,मैले टुक्राएका दिल हरु,

मैले खोसेका गास हरु ,मैले उजाडेका बास हरु,

मैले बनाएका देह दाश हरु,आज म पापको माझमा छु,

फेरी के हुनेछु अर्को जन्ममा?लेखिन्छ  के यो कर्ममा ?

फेरी पनि मेरो मानबको रुप हुन्छ?कि जनावर बनाएर खुन हुन्छ?

कि वृक्ष जस्तै बोलि मेरो चुप हुन्छ?कि आत्मा मेरो आकाशको जुन हुन्छ ?

यहि रोकिन्छ मेरो सोच हरु,चित्रगुप्तले गन्दै छ मेरो दोष हरु,

एकछिन सम्म हिसाब मेरो चल्छ, “यसलाई नर्कमा लैजा “ यमदुतले भन्छ |

%d bloggers like this: